المدارس الخاصه بالكويت

[كـــويتيـــة]

السلام عليكم
شلونكم يا احلى عضوات
المستوى التعليمي بالمدارس الحكوميه كل ماله وينزل
واغلب الكويتين يودون عيالهم مدارس خاصه
سواء عربيه ولا أجنبيه
اول نادر مانشوف يهال بمدارس خاصه
الحين العكس
والصراحه ما الومهم ..
شرايكم بنات كل وحده عندها خبره بالمدارس الخاصه تحطها
بهالموضوع
عن مستوى المدرسه ؟؟
وأسعارها ؟؟
رقم التلفون والعنوان ؟؟
:faq__remake:

[Killer^Girl]

انا اخوي بالرؤيه
الكورس جنه ب قريب ال 500
مستواها قوي وصعبه صراحه

[موت الحمر]

الجامعة الاسترالية

http://www.ack.edu.kw


جامعة الخليج للعلوم و التكنولوجيا

http://www.gust.edu.kw/




جامعة الشرق الاوسط الامريكية

http://www.aum.edu.kw/AxCMSwebLive/index.cms


الجامعة الامريكية

http://www.auk.edu.kw/default.jsp



الجامعة العربية المفتوحة في الكويت ...

http://www.arabou-kw.edu.kw (http://www.arabou-kw.edu.kw)



كلية بوكسهل للبنات

http://www.bhck.edu.kw/index.php?module=main_category_page&id=3

[* بـسـبـوســـــه *]

يعطيج العافيه حبوبـه ..

[موت الحمر]

يعافيج يا قلبي

[shahad_Q8]

تسلمين حبوبه مشكوره

[موت الحمر]

العفو حبيبتي حياج الله

[سكر نبات جاليري]

تسلمين حبيبتي

يا ريت كل وحدة تحط اللي تعرف عن أي مدرسة

أنا عندي ولد إختي في مدرسة المستقبل ثنائية اللغة
في الروضة وراح ابتدائي امه وايييييد تمدحها ومستواها راقي

رسوم بالسنة جريب الالف وهالسن زايدينها بعد

[دمدومه]

السلام عليكم ورحمة الله وبركاته ....حبيبتي انا عيالي بمدرسة روض الصالحين بحولي صراحه مستواها التعليمي حلو وللغة اولادي ممتازه وبعد هالسنه المدرسه اعترفو فيها على مستوى دولي بس صراحه الاقساط هلكتنا ,,, وبعد زحمة حولي مطفرتنا,,,,والدروس كل مالها تستصعب وخصوصا الرياضيات يعني صراحه مافيني ادفع للمدرسه ولمدرسين خصوصيين بس الله يعينا ويقدرنا على تربيتهم والله لايضيع تعبنا ولا تعبكم انشالله

[mimi fofi]

هلا حبيباتي
انا بنتي بالمدرسه الوليه الامريكيه ال AIS
بصراحه المدرسه وايد حلوه و اغلب الواجبات تنحل بالمدرسه
المدرسين وايد متعاونين و هم الاداره بعد وايد متساهله مع اولياء الأمور
بنتي رايحه GRADE 3 والسعر 2827 بالسنه بمقدم حجز كل سنه 100 دينار وبعدين الفصل الاول يندفع قسط 1640 والفصل الثاني 1087 دينار
بصراحه المدرسه وايد حلوه
اهم شي بنتي مرتاحه فيها الحمدلله
وهذا السايت مالهم
http://www.aiskuwait.org/

وهذا لنك الاسعار

http://www.aiskuwait.org/Fee2008-09.htm

اتمنى اكون افدتكم

[sahara1973]

عليكم ورحمة الله وبركاته
:ggody:

المدارس الحكومية كلمالها و بالنازل للأسف مع إنه عندهم كل المقومات المادية للنجاح .. بس ادارة ماميش !!منهج ماميش!! وسائل تعليمية ماميش!! خبرات ماميش!! دراسات و تطوير هم ماميش!!
آآآآآآخ .. حساااافة على التعليم بالكويت كان من أحسن الأنظمة في زمن من الأزمان:big14smile:

و المدارس الخاصة نزاف للأموال لكن ما باليد حيلة ..إن طاعك الزمان ولا طيعة !! :big2smile:
الزين بالمدارس الخاصة إنها الى جانب المستوى التعليمي القوي هي بعد تحرص على بناء الشخصية و تنمية القدرات الاجتماعية و بشكل فعال لأن اعيالنا يقضون بالمدرسة وقت أكثر من البيت .. ( طبعا مع عدم إهمال دور البيت و بالأخص الأم و الأب على حد السواء) تلاقين الخريجين ما شاء الله رد و بدل - ثقة بالنفس- اللغة ممتازة و اذا بعد كانت المدرسة ثنائية اللغة زين على زين -عارفيين بالضبط شنو يبون يدرسون بعد الثانوية ،محددين أهدافهم و مشتغلين عليها من أيام الدراسة ..:ketab:
بس أرد و أقول استنزاف للأموال ..
طبعا ما ننكر إن في مدرسين ومدرسات كويتيين و عرب على مستوى على من الخبرة في مجال التدريس وينافسون الأجانب بعد !! لكنهم مغموريين.
الله المستعان ، الله يعينا و ياكم ، و نتمنى يجي يوم تصير فيه زحمة التسجيل على المدارس الحكومية بدل الخاصة !!
و دمتــــــــم:ginlove:

[ام الحوريات]

السلام عليكم ورحمة الله وبركاته
انا حاطه بنتي بالبريطانيه وبنتي بالبري كيجي يعني حضانه بالف وتسعين دينار بالسنه مستواها على الاقل احسن من المدارس الحكوميه

[bint_looda]

ماشاء الله اختي بالرؤيه ثنوية واخوي بالرؤيه ابتدائي وماشاء الله المتسوى التعليمي شي شي والمنهج امريكي قووي
الله يبارك لهم حتى درجاتهم تسنعت عن الحكومه اتحسين بالعكس قامو يولهون عالمدرسه مو نفس قبل يطلعون مليون عذر عشان مايداوموون

[ReDLOve]

موفق بإذن الله ... لك مني أجمل تحية .

[nawar]

السلام عليكم ورحمة الله وبركاته
انا عندي بنت(year 4) ب(Kuwait English school) والثانية (reception)(Oxford Academy) وناوية من السنة الياية اوديها KES لانها وايد قوية واسعارها غالية بس تسوى الصراحة الكبيرة 2500 تقريبا بدون الباص .:11:

[Cнαяιsmα]

شـكــ وبارك الله فيك ـــرا لك ... لك مني أجمل تحية .

[كـــويتيـــة]

يعطيكم العافيه علي المشاركه الحلوة:tek:

[lateealsa]

مشكورين للاخوات الحلوات على هالمعلومات القيمة
شـكــ وبارك الله فيك ـــرا لك ... لك مني أجمل تحية .

[فيرجن ديزاينر]

انا عيالي حاطتهم في مدرسة الفحيحيل الانجليزيه
بصراحه اهي وايد قويه ونظاميه بس عندي من جم سنه كانت احسن من الحين
ومدرسينهم قبل اغلبهم اجانب .. الحين قام ايب هنود لأن ارخص اعتق\د بمعاشاتهم
بس نهيييييييييييييييبه
الله يعينا ونقدر انكمل .. كله عشان مصلحة هاليهال

[كـــويتيـــة]

مشكورين علي المشاركه الحلوة وبنتظار البقيه

[om-3bod]

حبيباتي انا مدرسه رياض اطفال بمدرسة الاخلاص بالسالميه روووووووعه واسعارها ممتازه وتدريس واهتمام حلو والله من روضه لي ثانويه ممتازين مو عشان مدرستي لا والله انا اخترت ادرس فيها من روعتها والادراه اهتمام والله واللي تبي اسعارهم تقريبا رياض الاطفال ما يتعدا ال400 بالضبط مادري اللي تبي اسألها وفي توصيل باصات وامان يطلعون المدرسات معاهم مو بروحهم اسفه على الاطاله

:tek:

[مالي وجود؟؟؟]

السلام عليكم حبيت أشارك انا عيالي بمدرسة الابداع الامريكيه بحولي صراحه وايد صعبه بس الحمد لله انا مدخلتهم من الحضانه و الحين عندي ولدين بثامن و بنت بسادس و بنت ثانيه روضه المدرسه الحلو فيها بناء الشخصيه و القدره على مواجهة المشكلات و ابتكار الحلول و هم احترام شخصية الطالب و الحرص على مشاركته في عمليه اتخاذ القرار اما المستوى التعليمي ممتاز و يوجد متابعه في حالة التدني اما التكاليف :big23smile:مرتفعه تقريبا الي بالمتوسطه 2200و الروضه 1800