ياكرهي للي يعاند

[الريماس الحر]

[السلام عليكم ورحمة الله وبركاته ]
خواتي وحبيباتي بنات المنتدى أبي حل سريع ومظمون لمشكلتي بنتي الله يصلحها ويصلح عيالكم عنيدة عند مامر علي من قبل تطلع روحي وتحرق جبدي إذاطلبت منها طلب تلف ودور وماتسمع كلامي ولا تقول الخدامة عندك خل تسوي الي تبين وإذا رحنا السوق او الجمعيه راسها والف سيف إلا تاخذ الشغله الي تبيها ولاتسويلي مناحة او تفشلني بالناس من كثر البكي والزن علما بان عمر بنتي الله يخليها ويصلحها 6سنوات أرجو من كل وحدة منكم تعطيني حل شافي لمشكلتي قبل لا تكبر البنت ويكبر العند معاها

[ReDLOve]

والله ياختى مادري شنو اقولج
بس انا اقول انج تقعدين معاها و اتفهمينها انها اذا صارت زينه تسوين الى تبينه سوي لها مسابقات بالبيت و شغلات جذى اتونس علشان اتقرب منج اكثر
والله الموفق

[الاميره مغروره]

شوفي اختي

احسن حل للياهل اللي يعاند انج تطنشينه

خليه يبجي لييييييييييييييييين ما ينفجر مصيره راح يسكت

لانه اذا كل شي يبجي عليه وتسوينه ماراح تفتكين

انا اخواني جذي علمتهم

وانشالله لما اولد هالشي راح اعلمه لعيالي

ولا يحن قلبج خليج قاسيه فتره وشوفي النتيجه

[الريماس الحر]

[يعطيك العافية اختي الغالية بس والله ماقصرت سويت كل شي اطخ شوي بعدين ترجع ريما لعادتها القديمة اشكرك لمرورك حبيبتي

[أم حوور]

حبيبتي




الله يخليج لبنتج ويخلي بنتج لج



حبوبة سايسي بنوتج بالكلام




يعني قولي لها اذا سويتي هالشي يعني تجازيتها بشي هي تحبه



او حسسيها انج محتاجتها وايد ومساعدتها لج احسن حل وترتاحين بوجودها معااااج








وايد وان البنوتة الحلوة لازم تكون حبيبة امها اكثر ومالها غنى عنها وانج تبينها



تكون احسن البناااااااااااات يعني من هالحجي الحلو




ترا مودايم الصراخ والعناد اييب نتيجة



بل بالعكس ممكن تزيد اكثر

[قبله المطران]

واااا ياااعوب البنات والله عنادهم ماينقدر عليه

الله يعينج ويهديها لج

[الريماس الحر]

[يعطيكم العافية حبيباتي ماقصرتوا ]

[تووفي]

استخدمي معاها اسلوب الثواب والعقاب يعني مثلا عندج طلعه وطلبتي منها شي وماسوته عاقبها اخذي اخوانها معاج ولا تاخذينها مره مرتين تنقرص وتحس وبلعكس اذا اسمعت كلامج كافئيها وميزيها عن اخوانها

وعندي كتاب اسمه الاطفال المزعجون لدكتور مصطفى ابو السعد

راح اقول لج كلام راح تستانسين منه شقوول الدكتور


غالبا مايكون المعاند ذكيا ونشيطا وهذه علامه تكاد تعم المعاندين
واحيانا العناد تعبير عن قوة الشخصيه التي ياخذها من الوالده او الوالد ولهذا اهنئ كل ام واب له ابن عنيد وبارك الله فييييييييه

وحاط 10 خطوات لمعالجة العناد:

1- غيري قانون تركيزك

بدل التركيز على عند البنت انتبهي للسلوكيات الايجابيه التي تصدر عن ابنتك .. وبالتالي اجعلي قانون التركيز لديك متجها للسلوك الايجابي الذي ترضين عنه2

1 لاتحكمي:

لا تطلقي احكاما على ابنتك مثل عنيده , تفرض رايها , فإطلاق الاحكام على ابنتك يجعلك تبتعدين عن لغة التواصل معها وتبنين جدارا حاجزا بينك وبينها3

2-عبري عن مشاعرك:

من يتمتع بقوة الشخصيه لايقبل راي عليه غير انه يلين ويهدأ لو استعملت معه لغة المشاعر من خلال تعبيرك عن محبتك لها وشعورك الايجابي تجاهها ورضاك عن سلوكها واختياراتها .. لذلك عبري عن المحبه المتبادله بينكما

4- اهدئي واطمئني:

القلق الزائد على مستقبل الفتاة في سن المراهقه لا يساعدك على حسن التعامل معها, ولذلك تعلمي فن الهدوء ولا تنقلي قلقك لابنتك لانه يظهر على سلوكك ولا تحملي هما للمستقبل فان الانسان قد يتغير في لحظهواحده.. اذ النمو يعد نضجا عقليا وسلوكيا وليس طولا فقط
5- غيري حكمك:

حكمك سلبي تجاه سلوك ابنتك .. مارايك ان سلوك ابنتك سلوكا يطمئن القلب ويبهج النفس ويريح الذات اذ ان بنتا بهذه الصفاة لا يخشىعلى سلوكها مستقبلا فهي لن تقبل سيجاره تهدى لها مستقبلا .. ولن تقبل براي يفرض عليها من زميله لها

6- العنا لايكبر من نفسه ولكنه يتغذى من الخارج

كلما عاندت الام وقاومت عناد ابنتها كلما زادت البنت عنادا ولذلك احرصي على عدم المواجهه وتعلمي فن الانسحاب الايجابي من معارك بسيطه كلاميه قد تنشأ حو قضايا تافهه احيانا
7- ابتسمي

العناد قد تطفئه ابتسامه جميله منك تحوله لمشاعر ايجابيه .. كما ا الابتسامه تعلمك الهدوء والتحكم في سلوكك الامومي
8- حاوري بهدف

السلوك الذي تبتغينه مع ابنتك قدميه لها في جلسات حواريه هادئه, واجتنبي قدر المستطاع ان توجهي ابنتك اثناء الخلاف .. وانسحبي واجلي حديثك لحين هدوء العاصفه .. وقدميه بهدوء وبلا صراخ . فالنفس جبلت على تقبل الكلام الحسن واللطيف ورفض الشده والخشونه

9- ارفعي المعنويات

رفع المعنويات احد الوسائل المفيده في تهدئة العناد والحد منها وهو يتم من خلال العديد من الاساليب التربويه منها المدح ومكافاة السلوك الايجابي

10- حولي العناد
تعلمي فن تحويل هذا العناد لصفة ذاتيه ايجابيه تقوي قدرات ابنتك وترعى طموحاتها وتبني حوافزها الداخليه الايجابيه

حاولي تطبقين اي يناسبج وعسى الله يهديها ان شاالله

[الريماس الحر]

[يعطيك العافية اختي الغالية توفي على الرد الحلو وعلى المرور الأكثر من رائع انتي وخواتي الغاليات بنات المنتدى وراح احاول اجيب الكتاب للاستفادة اكثر ومانستغنى عن آرائكم
تحياتي]

[FaRaSHa_BLuE]

انا اعتقد اختي لازم تنتبهيم لشي ... اذا عندج اولاد عيال غيرها ممكن يكون العناد طريقه للفت الانتباه عند اليهال حتى لو تقولين انا مو مقصره معاها

حاولي تشوفين او تركزين اهي متى تعاند و لاي سبب ... و على فكره ردها ان الخدامه عندج المفروض توقفينها عنده و تحاسبينها عليه ... يعين هذا رد يعتبر من عدم الاحترام و المفروض تتعلم ان لما لام تقول شي او تطلب شي تسويه و تقول انشاء الله يمه و من الادب و لااحترام

و ممكن تجربين طريقه ان لو طلبتي منها شي و رفضت تسويه .. انتهزي اول فرصه تطلب منج اي شي و قوليلها انج ما راح تسوينه لها و لاااااااااااااازم و مهم و ضروووووووووووووووري تقوليلنها السبب يعني لا توقل لا ما را ح اسويلج اياه و تسكتين ... لااااااااااا لازم تقولينلها لا ما راح اسويلج اياه لانج ..... تذكرينلها السبب .. يعني مثلا تقولينلها ما ارح اسويه لان لما طلبت منج الشغله الفلانيه ما سمعتي الكلام و اذا ما راح تساعديني انا بعد ما راح اقدر اساعدج ... و فهميها ان لازم تحترم الام و الاب و تسمع الكلام عشان تصير بنت حلوه و شاطره و مدحي بالنقاط الايجابيه اللي فيها


و ممكن بعد لو بيوم قاعدين تسولفون تقولينلها يا حلو بينتي و الله احلا بنت بالدنيا و انا احبها و فيها هالشغله حلوه بس مرات تزعل ماما لما تصير ما تسمع الكلام و لا تساعد ...


بنتج صغيره بس عمرها يفهم و يستوعب و يكون شخصيه .... عسى الله يخليها لج و خليج فوق راسها


ترا هالطرق اللي كتبتها من برنامج سوبر ناني و لا شسمه نسيت ..,, هذي البريطانيه و فعلا اختي مجربه طرقها بالتعامل مع عيالها الله يحفظهم اربعه و فيها نتيجه


و داااااااااااااااااااااايما اختي لا تنسين الدعاء ... ادعي ربج ان الله يهدي عيالج و يوفقهم و يثبتهم على الدين و الصلاح و الاخلاق ترا مفعول الدعاء مثل السحر سبحان الله